10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Գողացավ, բռնեց սպանեց, հա՞, վամպիր ա Հայկազը. Սեյրան Սարոյան. ՏԵՍԱՆՅՈՒԹ
Հասարակություն
23.03.2018 | 11:54
«Դու Բաղմանյանին ճանաչո՞ւմ ես, դու հլը շատ հաց ու պանիր պիտի ուտես, որ հասնես Բաղմանյանին»,- պատասխանելով ԶՈՒ ԳՇ պետի նախկին տեղակալ Հայկազ Բաղմանյանի՝ ՀԱՊԿ միացյալ շտաբի պետի տեղակալի պաշտոնում նշանակման մասին հարցին, այսօր լրագրողներից մեկին ասաց ԱԺ ՀՀԿ-ական պատգամավոր, գեներալ Սեյրան Սարոյանը։
Հարցին, թե ինչպես է ստացվում, որ Բաղմանյանին հանում են պաշտոնից, ապա ավելի բարձր պաշտոնի նշանակում, Սարոյանը կրկին վիրավորանքով արձագանքեց․ «Չի հանել, հավես չունեմ, մուտիտ եք անում։ Տաշած քարը գետնին չի մնա»։
Գեներալը վստահ է՝ աշխատող մարդիկ անթերի չեն լինում․ «Աշխատող մարդը միշտ էլ թերություն ունի, չաշխատող մարդը թերություն չունի»։
Լրագրողներից մեկի հարցին, ստացվում է՝ ներել են Բաղմանյանին, պատգամավորը պատասխանեց․ «Ինչի ի՞նչ ա արել Հայկազը, որ ներեն։ Լսի՛, աղջի՛կ ջան, Հայկազի անցած ուղին գիտե՞ս գոնե։ Զինվորի մարտական պատրաստակամության նախապատրաստման մեջ կոռուպցիան որտեղից»:
Վերջում էլ պատգամավորը հավելեց՝ Հայկազ Բաղմանյանին մեղարդողները «ղալաթ» են անում․ «Գողացավ, բռնեց սպանեց, հա՞, վամպիր ա Հայկազը»։
Մանրամասները՝ տեսանյութում։
