Եվրոգոտում գնաճը հասել է 13 տարվա առավելագույնին

Եվրոգոտում տարեկան գնաճը սեպտեմբերին կազմել է 3,4 տոկոս։ Նման տվյալներ է բերում Eurostat եվրոպական ռազմավարական գերատեսչությունը, հաղորդում է DW-ի ռուսական ծառայությունը։

Նշվում է, որ տնտեսագետներն ակնկալում էին 3,3 տոկոսի աճ։ Օգոստոսին ցուցանիշը կազմել է 3 տոկոս։ Այսպիսով, եվրոգոտում գնաճը հասել է 13 տարվա ընթացքում առավելագույնին։ 2008 թվականի սեպտեմբերին տարեկան կտրվածքով սպառողական գներն աճել են 3,6-ով։

Սակայն առանձին երկրներում, որոնք եվրոն գործածում են որպես պաշտոնական արժույթ, տարեկան գնաճն ավելի բարձր է եղել։

Այսպես, Էստոնիայում սեպտեմբերին ցուցանիշը կազմել է 6,4 տոկոս, Լիտվայում ՝ 6,3 տոկոս, Սլովակիայում՝ 5,1 տոկոս, իսկ Գերմանիայում՝ 4,1 տոկոս: Ամենափոքր գնաճը՝ 0,7 տոկոս, փորձագետներն ակնկալում են Մալթայում:

Տարեկան կտրվածքով էներգառեսուրսների գների ամենաէական աճը նկատվել է եվրոյի գոտում՝ 17,4 տոկոսով: Այս ժամանակահատվածի արդյունաբերական ապրանքները թանկացել են 2,1 տոկոսով, ինչպես նաև սննդամթերքը:

Ծառայությունների ոլորտում սեպտեմբերին տարեկան գնաճը կազմել է 1,7 տոկոս՝ օգոստոսի համեմատ աճելով (1,1 տոկոս):

Տարվա կտրվածքով հիմնական գնաճը, առանց էներգիայի և սննդամթերքի, կազմել է 1,9 տոկոս: Շատ տնտեսագետներ այն համարում են ավելի հուսալի ցուցանիշ՝ ավելի քիչ տատանումների միտումի պատճառով:

Եվրոպական կենտրոնական բանկը (ԵԿԲ) միջնաժամկետ հեռանկարում թիրախավորում է 2 տոկոս գնաճ: Ինստիտուտը գնաճը համարում է ժամանակավոր և այն կապում է կորոնավիրուսային ճգնաժամի հետևանքների հետ:

Տաթև Ֆռանգյան