Էրդողանի խոսնակը հետաքրքրիր բացահայտումներ է արել Արցախյան պատերազմում Թուրքիայի ԶՈւ-ի մասնակցության մասին

Թուրքիայի նախագահի մամուլի խոսնակ, գլխավոր խոհրդական Իբրահիմ Քալընը խոսել է Արցախյան 44-օրյա պատերազմում Թուրքիայի անմիջական մասնակցությունից ու դերակատարումից։ 

Haber Global-ին տված հարցազրույցում Քալընը շնորհավորել է թուրքերին ու ադրբեջանցիներին «Արցախյան պատերազմում հաղթանակի կապակցությամբ»՝ նշելով, որ այն մեծ հաղթանակ է տարածաշրջանի համար։ Նա նաև ասել է, որ հաղթանակում Թուրքիայի ներդրումը «երկու պետություն՝ մեկ ազգ» արտահայտության օրինակներից մեկն էր։ 

Քալընը նաև հետաքրքիր մանրամասներ է բացահայտել պատերազմում Թուրքիայի անմիջանական մասնակցության մասին։ Նշենք, որ թուրք-ադրբեջանական կողմը ամեն կերպ, չնայած մեծաքանակ ապացույցների ու փաստերի առկայությանը, հերքում է ռազմական գործողություններում թուրքական զինուժի մասնակցությունը։

«Եվ՛ թուրքական բանակը, և՛ ադրբեջանական բանակը, և՛ մեր նախարարները, նախևառաջ՝ մեր նախագահները հսկայական ժամանակ են անցկացրել։ Րոպե առ րոպե հետևել ենք հաղթանակին։ Այն հեշտությամբ չի տրվել, շատ զոհեր են եղել»,-ասել է Էրդողանի խոսնակը՝ հավելելով, որ «Ղարաբաղյան հաղթանակը Թուրքիայի ԶՈՒ-ի համար հատուկ նշանակություն ունի»։

«Թուրքիայի Զինված ուժերը վերադարձան իրենց սկզբնական առաքելությանը, երբ հուլիսի 15-ի հեղաշրջման փորձից 2-3 ամիս անց մենք իրականացրինք Սիրիայի «Ձիթենու ճյուղ» գործողությունը: Ընդհանուր 3 գործողություն ենք արել։ ԶՈՒ-ում պաշտոնանկություններից հետո այն ավելի արդյունավետ ու պատասխանատու դարձավ, որը տեսանք Սիրիայում։ Լիբիայում իրավիճակը փոխվեց։ Մեր միջամտության շնորհիվ այսօր Լիբիայում կառավարություն է ձևավորվել։ Մեր երրորդ կարևոր միջամտությունը Ղարաբաղյան հաղթանակն էր։ Զինված ուժերի, ԱԳՆ-ի, հետախուզության և մեր նախագահի ղեկավարության շնորհիվ նման մեծ հաջողության հասանք»,- ասել է Իբրահիմ Քալընը։ 

Էմմա Չոբանյան