15.11.2024 | 21:20
Խիստ հակասական COP29. մասնագետները կլիմայի շուրջ բանակցություններն այլևս արդյունավետ չեն համարում
«Ելքի» լիդերներն իրար հետ այն չեն, միմյանց նկատմամբ «նեպրիյազն» ունեն. «Հրապարակ»
22.03.2018 | 09:18
«Հրապարակ» թերթը գրում է.
ՍԴ նախագահի քվեարկությունից հետո «Ելքի» լիդերներն Արամ Սարգսյանի սենյակում զրուցում էին, հետո, կատակելով, Արամ Սարգսյանն ու Էդմոն Մարուքյանը ցույց տվեցին հեռախոսներում ֆիքսած «դեմ» քվեարկությունը: Նիկոլ Փաշինյանին հարցրինք` Դուք ինչո՞ւ չեք ցույց տալիս Ձեր նկարածը, կարո՞ղ է «կողմ» եք քվեարկել։ «Քվեարկել եմ կուսակցության որոշման համաձայն»,- ասաց նա:
Ասում են՝ «Ելքի» լիդերներն իրար հետ այն չեն, միմյանց նկատմամբ «նեպրիյազն» ունեն, ողջ օրը «կռիվ» են անում: «Կուսակցությունում շատ լավ, աշխատանքային մթնոլորտ է, և էն, ինչի շուրջ մենք համաձայն ենք, դա հրապարակային է, ինչի շուրջ համաձայն չենք, նույնպես հրապարակային է»,- ասաց Փաշինյանը:
Իսկ առաջիկայում հնարավոր համարո՞ւմ եք ներքաղաքական ֆորս-մաժորը։ «Ֆորս-մաժոր՝ նշանակում է անհաղթահարելի իրավիճակ, վիճակ, որը հնարավոր չէ կանխատեսել, հետևաբար՝ կանխատեսել անկանխատեսելին նույնպես հնարավոր չէ»,- ասաց Փաշինյանը` միաժամանակ նշելով, որ փողոցային պայքարում իրենց համար անընդունելի են բռնության կոչերը, ոչ քաղաքական զարգացումները:
Առավել մանրամասն՝ թերթի այսօրվա համարում:
