25.04.2026 | 19:17
Հայաստանի Մ-17 հավաքականը Երևանում պարտվեց Հունգարիային․ ՏԵՍԱՆՅՈՒԹ
«Թալիբան»-ը Տաջիկստանին մեղադրել է Աֆղանստանի ներքին գործերին միջամտելու մեջ և սպառնացել պատասխանով
Քաղաքականություն
27.09.2021 | 15:40
Տաջիկստանը միջամտում է Աֆղանստանի ներքին գործերին: Այս մասին հայտարարել է Աֆղանստանում թալիբների կառավարության փոխնախագահ Աբդուլ Ղանի Բարադարը, հայտնում է ANInews-ը:
Ղանի Բարադարը «Ալ-Ջազիրա» հեռուստաընկերությանը տված հարցազրույցում ասել է, թե Տաջիկստանը միջամտում է իր երկրի ներքին գործերին և սպառնացել հետևանքներով:
«Տաջիկստանը միջամտում է մեր գործերին, սակայն յուրաքանչյուր գործողության համար կա արձագանք»,- ասել է Բարադարը:
Տաջիկստանի նախագահ Էմոմալի Ռահմոնն ավելի վաղ հայտարարել էր Աֆղանստանի շուրջ «անվտանգության գոտի» ստեղծելու անհրաժեշտության մասին՝ ահաբեկչական խմբավորումների հնարավոր ընդլայնումը կանխելու համար: Թալիբների խոսնակ Զաբիուլլահ Մուջահիդը պատասխանել է, որ թալիբները հազարավոր զինյալներ են ուղարկել Աֆղանստանի Թահար նահանգ՝ Տաջիկստանի հետ սահմանին «անվտանգության սպառնալիքներին դիմակայելու համար»:
Տաթև Ֆռանգյան
