16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մակրոնը պապարացիների դեմ բողոք է ներկայացրել դատախազություն
Քաղաքականություն
26.09.2021 | 21:58
Ֆրանսիայի նախագահ Էմանուել Մակրոնը և նրա կինը՝ Բրիջիթը, Փարիզի դատախազություն բողոք են ներկայացրել պապարացի Տիբո Դալիֆարի դեմ, որը համընդհանուր ցուցադրության է հանել նախագահի լուսանկարները հանգստի ժամանակ: ՏԱՍՍ-ի փոխանցմամբ՝ այս մասին հայտնում է Europe-1 ռադիոկայանը։
Աղբյուրի տվյալներով ՝ բողոքը ներկայացվել է դեռ մի քանի օր առաջ։ Մակրոններին զայրացնող ցուցադրությունը կազմակերպվել էր գեղարվեստի պատկերասրահի ցուցափեղկի վրա՝ Ելիսեյան պալատի դիմաց, և հասանելի էր բոլոր ցանկացողներին մոտ երկու շաբաթ։
Ցուցահանդեսը ներառում էր ոչ միայն ներկա, այլև նախկին ֆրանսիացի առաջնորդների լուսանկարները։ Այսպիսով՝ լուսանկարներից մեկում Մակրոնը ակվաբայքի վրա է եղել, նրա նախորդը ՝ Ֆրանսուա Օլանդը, և հանգուցյալ Ժակ Շիրակը՝ լողափին։ Ներկայացվել է նաև Ֆրանսիայի նախկին նախագահ Նիկոլա Սարկոզիի լուսանկարը կնոջ՝ Կառլա Բրունիի ընկերակցությամբ՝ հեծանվավազքի ժամանակ։
Փարիզի դատախազությունը նախնական հետաքննություն է սկսել ՝ կապված անձնական կյանքին միջամտելու հետ։ Հատկանշական է, որ 2017 թվականին պետության ներկայիս ղեկավարն բողոք էր ներկայացրել Դալիֆարի դեմ՝ կապված այն բանի հետ, որ նա մտել է Մարսելի տան տարածք, որտեղ ամուսինները արձակուրդի մի քանի օր են անցկացրել: Հետագայում Մակրոնը հետ է կանչել իր բողոքը։
