23.08.2026 | 20:00
Ձուկը ջրում «բազար անելու» ՇԵՐՏԵՐԸ․ տնտեսվարողը կհասնի՞ Եվրոպա. ՏԵՍԱՆՅՈւԹ
Էրդողանի կնոջ խոհարարական գրքի համար պետբյուջեից ծախսվել է ավելի քան 110.000 դոլար
Քաղաքականություն
25.09.2021 | 19:41
Թուրքիայի նախագահ Ռեջեփ Թայիփ Էրդողանի կնոջ՝ Էմինե Էրդողանի խոհարարական գրքի տպագրության և շնորհանդեսի համար պետբյուջեից ծախսվել է շուրջ 1 մլն թուրքական լիրա, այսինքն՝ ավելի քան 110.000 ԱՄՆ դոլար, փոխանցում է Ermenihaber-ը։
Թուրքական «T24» լրատվակայքի լրագրողներից Էրայ Գյուրելը հայտնել է, որ Էմինե Էրդողանի «Թուրքական խոհանոցը հարյուրամյա բաղադրատոմսերով» գրքի տպագրության համար ծախսվել է 275 հազար լիրա, իսկ շնորհանդեսի համար՝ 700 հազար լիրա։ Ընդ որում, ծախսերը կատարվել են Թուրքիայի մշակույթի և զբոսաշրջության նախարարության բյուջեից։
Էմինե Էրդողանի գիրքը հանրության դատին է հանձնվել սեպտեմբերի սկզբին։ Նշվում է, որ դրանում ներկայացված են «Անատոլիայի հազարամյա ավանդական ուտեստների բաղադրատոմսերը»։
