25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հաջորդ ամիս Թուրքիայում սպասվում է գազի ու էլեկտրաէներգիայի սակագների 15% բարձրացում
Քաղաքականություն
24.09.2021 | 22:47
Թուրքիայում բնական գազի ու էլեկտրաէներգիայի սակագները հաջորդ ամիս 15 տոկոսով բարձրանալու են։ Այս մասին Reuters գործակալությանը հայտնել է արդյունաբերության չորս աղբյուր, գրում է Duvar-ը։
Նշվում է, որ ավելի թանկ գազն ու էլեկտրաէներգիան կարող են ավելի վատ ազդել Թուրքիայում կյանքի ու գնաճի վրա, որն արդեն գտնվում է 2․5 տարվա առավելագույն մակարդակի վրա՝ 19 տոկոսից ավելի։
Լրատվամիջոցի աղբյուները, որոնք ցանկացել են մնալ անանուն, ասել են, որ ակնկալում են հոկտեմբերի 1-ից գազի սակագնի բարձրացում 15 տոկոսով, ևս 8-15-ի չափով էլ՝ էնեկտրաէներգիայի։
Կառավարությունը պատրաստվում է վերջնական որոշում կայացնել, իսկ Էներգետիկայի նախարարությունից լրատվամիջոցին որևէ մեկնաբանություն չեն տվել թեմայի շուրջ։
Եվրոպայում բնական գազի սակագներն այս տարի աճել են շուրջ 280 տոկոսով, իսկ ԱՄՆ-ում՝ ավելի քան 100 տոկոսով, ինչը բարձրացրել է վառելիքի համար նախատեսված ձմեռային վճարները:
Փորձագետները կարծում են, որ գները բարձր կմնան մինչև 2022, նույնիսկ մինչև 2023 թվականը։
«Արդյունաբերությունն ակնկալում է գազի ու էլեկտրաէներգիայի սակագների բարձրացում։ Իշխանությունները դրանից լավ տեղյակ են»,- ասել է լրատվամիջոցի աղբյուրը։
Էմմա Չոբանյան
