25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Ըստ Էրդողանի՝ Հարավային Կովկասում կայունություն ապահովելու տեսանկյունից կարևոր քայլեր են ձեռնարկվել
Քաղաքականություն
22.09.2021 | 11:49
Թուրքիայի նախագահ Ռեջեփ Թայիփ Էրդողանը, ՄԱԿ-ի գլխավոր ասամբլեայի 76-րդ նստաշրջանին ելույթ ունենալով, անդրադարձել է Հարավային Կովկասում ստեղծված իրավիճակին։ Ըստ Էրդողանի՝ վերջին շրջանում տարածաշրջանում կայունություն ապահովելու տեսանկյունից կարևոր քայլեր են ձեռնարկվել, գրում է թուրքական Անադոլու գործակալությունը։
«Ադրբեջանն, օգտվելով ինքնապաշտպանվելու իր իրավունքից, վերջ է դրել իր տարածքների օկուպացիային, որոնց մասին խոսվում է Անվտանգության խորհրդի բանաձևում, որոնք երկար տարիներ չեն իրագործվել։ Այս գործընթացը նաև նոր հնարավորություն է ընձեռում տարածաշրջանում կայուն խաղաղության հաստատման համար»,- հայտարարել է Էրդողանը։
Էրդողանը նաև կրկին Անկարայի հստակ աջակցությունն է հայտնել Ուկրաինայի տարածքային ամբողջականությանը։ «Մենք մեծ նշանակություն ենք տալիս Ուկրաինայի ինքնիշխանությանն ու տարածքային ամբողջականությանը, ներառյալ Ղրիմը, որի անեքսիան մենք չենք ճանաչում»,- ասել է թուրք նախագահը։
Տաթև Ֆռանգյան
