23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Ակնայում հերթական ադրբեջանցին է պայթել ականի վրա
Քաղաքականություն
21.09.2021 | 12:43
Արցախի գրավյալ տարածքներում շարունակվում են ադրբեջանցիների՝ ականի վրա պայթելու դեպքերը։ Ադրբեջանական լրատամիջոցների հաղորդմամբ՝ Ակնայում (Աղդամ) հակատանկային ականի վրա պայթել է «Körpü-Bina-Tikinti» ընկերության էքսկավատորը։
Պատահարի հետևանքով վարորդը՝ 1972 ծնված Զաֆար Աղաևը, տարբեր աստիճանի մարմնական վնասվածքներ է ստացել։ Նա հոսպիտալացվել է։
Նշվում է նաև, որ դեպքը տեղի է ունեցել երեկ գիշեր։ Կատարվում է քննություն։
Հավելենք, որ 2020 թվականի նոյեմբերի 9-ից հետո Արցախի գրավյալ տարածքներում ականի վրա պայթելու հետևանքով մահացել է ադրբեջանցի 7 զինծառայող և 23 քաղաքացիական անձ, ևս 91 զինվորական ու 38 քաղաքացիական անձ՝ վիրավորվել։ Ընդհանուր առմամբ, տուժել է 159 մարդ։
Էմմա Չոբանյան
