16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մակրոնն ու Բայդենն առաջիկա օրերին կքննարկեն սուզանավերի հարցը
Քաղաքականություն
19.09.2021 | 18:59
Ֆրանսիայի նախագահ Էմանուել Մակրոնը բանակցություններ կվարի իր ամերիկացի գործընկեր Ջո Բայդենի հետ՝ կապված դիվանագիտական ճգնաժամի հետ, որը պայմանավորված է սուզանավերի արտադրության համար ֆրանսիական ընկերության հետ Ավստրալիայի պայմանագրի խզմամբ: Korrespondent.net-ի փոխանցմամբ՝ այս մասին սեպտեմբերի 19-ին հայտարարել է Ֆրանսիայի կառավարության պաշտոնական ներկայացուցիչ Գաբրիել Աթալը։
«Նախագահ Բայդենը խնդրել է բանակցել Ֆրանսիայի նախագահի հետ։ Մակրոնի և Բայդենի հեռախոսազրույցը տեղի կունենա մոտ օրերս», – BFM TV-ի եթերում հայտարարել է Աթալը։
Aukus դաշինքը ստեղծվել է սեպտեմբերի 15-ին: Դրա շրջանակներում Ավստրալիան հագեցած կլինի ատոմային սուզանավերով։ Այդ համաձայնագրի պատճառով Ավստրալիան ֆրանսիական ընկերության հետ 66 մլրդ դոլար արժողությամբ սուզանավերի պայմանագիրը խզել է։
Ֆրանսիան խորհրդակցությունների համար Վաշինգտոնից և Կանբերայից հետ է կանչել իր դեսպաններին։ Փարիզը Լոնդոնից հետ չի կանչել դեսպանին, քանի որ, ինչպես կարծում է Ֆրանսիան, Բրիտանիան «մշտական օպորտունիզմի քաղաքականություն է վարում»:
Ավստրալիայում հայտարարել են, որ սուզանավերի մատակարարման վերաբերյալ իրենց մտահոգության մասին Ֆրանսիայի իշխանություններին ասել են նախքան ԱՄՆ-ի և Մեծ Բրիտանիայի հետ պայմանագիր կնքելը:
