Քաղաքականություն
18.09.2021 | 17:17
Ֆրանսիան որոշել է խորհրդակցությունների համար հետ կանչել ԱՄՆ-ում և Ավստրալիայում իր դեսպաններին AUKUS նոր պաշտպանական գործընկերության ստեղծման պատճառով: Iz.ru-ի փոխանցմամբ՝ այդ մասին ասված է Ֆրանսիայի արտաքին գործերի նախարար Ժան Իվ Լե Դրիանի հայտարարության մեջ, որը հրապարակվել է սեպտեմբերի 17-ին:
Սպիտակ տան Ազգային անվտանգության խորհրդի պաշտոնական ներկայացուցիչ Էմիլի Հորնը հայտարարել է, որ ԱՄՆ վարչակազմը սերտ կապ է պահպանում Ֆրանսիայի իշխանությունների հետ Վաշինգտոնից դեսպանին հետ կանչելու Փարիզի որոշումից հետո և մտադիր է առաջիկա օրերին նվիրել տարաձայնությունների կարգավորմանը:
Ավելի վաղ Ավստրալիան Մեծ Բրիտանիայի և ԱՄՆ-ի հետ պաշտպանական և անվտանգության ոլորտում գործընկերություն է կնքել և հայտարարել ֆրանսիական Naval Group ընկերության հետ սուզանավերի վերաբերյալ համաձայնագրից դուրս գալու մասին: 56 մլրդ եվրոյի համաձայնագիրը, որը կոչվում էր «դարի պայմանագիր», նախատեսում էր Barracuda դասի 12 հարվածային սուզանավերի արտադրություն: Լե Դրիանը Ավստրալիայի որոշումը «թիկունքից հարված» է անվանել։
Փարիզը պարզաբանումներ է ակնկալում ինչպես Ավստրալիայի, այնպես էլ ԱՄՆ-ի կողմից։
