19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Չորս երկրներում երեխաների մոտ քիչ հայտնի շնչառական վիրուս է հայտնաբերվել
19.09.2021 | 18:40
Ամբողջ աշխարհում երեխաների շրջանում նկատվում են քիչ հայտնի ռեսպիրատոր սինցիտիալ վիրուսով (RSV) զանգվածային վարակման դեպքեր, որոնք հանգեցնում են շնչառական ուղիների հիվանդությունների: Այս մասին հաղորդում է BBC-ն՝ վկայակոչելով ԱՄՆ-ի, Մեծ Բրիտանիայի, Ճապոնիայի և Շվեցարիայի բժիշկներին։
Նյու Յորքի հիվանդանոցներից մեկում մանկական ինֆեկցիոն հիվանդությունների բաժանմունքի ղեկավար Ռաբիա Ագայի խոսքով՝ RSV-ի դեպքերը նորածինների և փոքր երեխաների մոտ հայտնաբերվել են դեռևս ապրիլին: Այդ ժամանակ ինտենսիվ թերապիայի բաժանմունքները հիվանդության բռնկման պատճառով բառացիորեն լեփ-լեցուն էին։
Մասնագետները նշել են, որ RSV-ի պաթոգենը հայտնի է եղել վաղուց, սակայն SARS-Cov-2 կորոնավիրուսի և դրա պատճառով մտցված կարանտինի համաճարակի պատճառով երեխաները իմունիտետ չեն մշակել վիրուսի դեմ:
Հիվանդացության աճ է տեղի ունեցել այն բանից հետո, երբ հակակորոնավիրուսային միջոցառումները թուլացել են: ԱՄՆ-ի Հիվանդությունների վերահսկման և կանխարգելման կենտրոնների տվյալներով ՝ երեխաների մեծ մասի մոտ վիրուսը հեշտ է ընթանում՝ որպես մրսածություն։ Այնուամենայնիվ, ոմանց մոտ այն կարող է առաջացնել բրոնխիոլիտ, թոքերի ստորին հատվածների բորբոքում:
Շվեյցարացի բժիշկների խոսքով ՝ առողջապահության համակարգը պատրաստ չէ հիվանդության բռնկմանը։
