10.08.2026 | 21:34
Գյումրիի տներից մեկում հրդեհ է բռնկվել
Վրաստանում 1 օրում կորոնավիրուսի 1501 նոր դեպք է գրանցվել, մահացել է 43 մարդ
19.09.2021 | 15:22
Սեպտեմբերի 19-ին Վրաստանում հաստատվել է կորոնավիրուսի 1 501 նոր դեպք: Այս մասին տեղեկատվությունը տրամադրվել է կառավարության կողմից ստեղծված stopcov.ge հատուկ կայքում:
Վերջին մեկ օրում երկրում ապաքինվել է 1 954 մարդ, մահացել է 43 պացիենտ:
Համավարակի տարածումից առ այսօր, Վրաստանում ընդհանուր առմամբ գրանցված է կորոնավիրուսով վարակման 595 264, այստեղից ապաքինվել է 559 996 մարդ: Մահացածների ընդհանուր թիվը կազմում է 8 541:
Վերջին 24 ժամվա ընթացքում Վրաստանում կատարվել է 22 920 փորձարկում, այդ թվում 12 141-ը՝ հակամարմինների արագ թեստով, իսկ 10 779-ը՝ «PCR» թեստով:
Դրականության օրական ցուցանիշը՝ 6.55% է, վերջին 14 օրվանը՝ 7,19%, վերջին 7 օրվանը՝ 6.89%:
Երկրում կորոնավիրուսի դեմ պատվաստվել է 1 646 441 մարդ, վերջին մեկ օրում պատվաստվել է 14 071 պացիենտ:
Կարանտինի ռեժիմում գտնվում է 39 մարդ, հիվանդանոցներում հսկողության տակ է 5 446 պացիենտ, կլինիկական հյուրանոցներում գտնվում է 1 225 անձ:
Վրաստանում կորոնավիրուսի առաջին դեպքը գրանցվել է 2020 թվականի փետրվարի 26-ին:
