23.04.2026 | 15:59
Սլովակիան հաստատել է «Դրուժբա»-ով նավթի մատակարարումների վերսկսումը
Նախարարը քաղաքացուն հորդորում է 2-3 ամիս կույր մնալ, մինչև կլինի պետպատվեր՝ կվիրահատվի. Թագուհի Թովմասյան. ՏԵՍԱՆՅՈՒԹ
Քաղաքականություն
17.09.2021 | 17:58
ԱԺ նախագահը որոշում է կայացրել, ըստ որի՝ աշխատավարձի 75 տոկոսի չափով պետք է պարգևատրվեն ԱԺ բոլոր աշխատակիցները և ԱԺ աշխատակազմը:
Թեմայի շուրջ Factor.am-ի հետ զրույցում «Պատիվ ունեմ» խմբակցության պատգամավոր Թագուհի Թովմասյանը նշեց՝ իր համար տարակուսելի է, որ փորձ է արվում մոռացության տալ, թե ինչ տեղի ունեցավ մեկ տարի առաջ, ինչպես անտուն մնացին հարյուրավոր քաղաքացիներ ու քանի-քանի ընտանիք զավակ կորցրեց:
Թովմասյանի խոսքով՝ «Հայաստան» և «Պատիվ ունեմ» խմբակցությունները հանդես են եկել հայտարարությամբ՝ պարգևատրումից հրաժարվելու վերաբերյալ և հրապարակավ հայտնել են այդ գումարները սոցիալական ծրագրերի իրականացման համար ներդնելու մասին:
«Եթե պետական համակարգի որևէ օղակում ունենք ֆինանսական ավելցուկ, դա պետք է ուղղվեր լրացնելու բացերը՝ մասնավորապես այսօր շատ հիվանդների հերթագորւմ են հիվանդանոցներում և ասում են, որ պետք է սպասել մինչև 2022թ.: Երեկ լսեցի առողջապահության նախարարին, նախարարը քաղաքացուն հորդորում էր 2-3 ամիս կույր մնալ, մինչև կլինի պետպատվեր՝ կվիրահատվի: Ահա թե ինչ առաջնահերթություն ունի այս իշխանությունը և ինչպես է վերաբերվում մարդկանց առողջության իրավունքին»,- ընդգծեց Թովմասյանը:
Պատգամավորի դիտարկմամբ՝ իշխանությունն այլևս հասարակության հետ հաշվի չի նստում, սկսել է քաղաքացիներից գաղտնի գործունեություն ծավալել:
Մանրամասները՝ տեսանյութում:
