25.04.2026 | 20:38
Գարիկ Կարապետյանը` Եվրոպայի եռակի չեմպիոն, Սիմոն Մարտիրոսյանը մեդալ չնվաճեց
Իրանի նախագահը ասիական երկրների հետ տնտեսական համագործակցությունն անվանել է իր կառավարության հիմնական քաղաքականությունը
Քաղաքականություն
16.09.2021 | 15:44
Իրանի նախագահ Իբրահիմ Ռաիսին իր երկրի առաջնահերթությունն է անվանել տարածաշրջանային, մասնավորապես հարևան երկրների հետ փոխգործակցությունը:
«Այցը Տաջիկստան նոր գլուխ կբացի Իրանի հետ մշակութային, տնտեսական և քաղաքական հարաբերությունների մեջ»,- հայտարարել է Ռաիսին Մեհրաբադի օդանավակայանում Դուշանբե մեկնելուց առաջ, գրում է Irna գործակալությունը:
Իրանի նախագահի խոսքով` իր այցը Տաջիկստանի մայրաքաղաք տեղի կունենա իր տաջիկ գործընկերոջ հրավերով` մասնակցելու ՇՀԿ ղեկավարների հանդիպմանը:
Ռաիսին հայտնել է, որ այս ուղևորության ընթացքում մի շարք համաձայնագրեր կստորագրվեն երկու կողմերի միջև՝ տնտեսական, գյուղատնտեսական և իրավական ոլորտներում:
«Մենք կարևորում ենք տարածաշրջանային համագործակցությունը, իսկ Շանհայի համագործակցության կազմակերպությունը համարվում է տարածաշրջանային համագործակցության ակտիվ կազմակերպություններից մեկը»,- ասել է նա:
Նա ասիական երկրների հետ տնտեսական համագործակցությունն անվանել է իր կառավարության հիմնական քաղաքականությունը:
Ռաիսին հաստատել է նաև, որ երկկողմ հանդիպում կունենա Տաջիկստանի նախագահ Էմոմալի Ռահմոնի հետ:
Տաթև Ֆռանգյան
