13.06.2026 | 20:00
Հայաստանի և Միացյալ Թագավորության միջև հարաբերությունները շարունակում են զարգանալ. Փաշինյանը՝ Սթարմերին
Ռուսաստանն արգելափակել է Սիրիայում մարդու իրավունքների հարցով ՄԱԿ ԱԽ նիստը
Քաղաքականություն
20.03.2018 | 13:14
Ռուսաստանն արգելափակել է Սիրիայում մարդու իրավունքների պաշտպանության հարցով ՄԱԿ-ի Անվտանգության խորհրդի նիստը. հաղորդում է svoboda.org-ն՝ հղում անելով Reuters-ին:
ՄԱԿ-ում ՌԴ մշտական ներկայացուցչի տեղակալ Գենադի Կուզմինը հայտարարել է, որ Մոսկվան որևէ հիմք չի տեսնում այդ նիստի անցկացման համար, քանի որ մարդու իրավունքները Անվտանգության խորհրդի օրակարգի առարկա չեն: «Դրա համար Ժնևում գործում է Մարդու իրավունքների հարցերով խորհուրդը»,- ասել է ռուս դիվանագետը:
Նիստը փորձել են նախաձեռնելել Ֆրանսիան և Անվտանգության խորհրդի ևս վեց անդամները՝ Մեծ Բրիտանիան, ԱՄՆ-ը, Շվեդիան, Լեհաստանը, Քուվեյթը և Պերուն:
Վերջին շաբաթներին սիրիական կառավարական զորքերը խոշոր հարձակումներ են իրականացրել 2012 թվականից ընդդիմության վերահսկողության տակ գտնվող Արևելյան Գուտայում: Իրավապաշտպան կազմակերպությունների իրականացված մոնիթորինգի տվյալներով՝ նախագահ Բաշար ալ-Ասադի բանակը այժմ վերահսկում է քաղաքի շուրջ 80 տոկոսը: Արևմտյան երկրներն ու ՄԱԿ-ը կոչ են արել Սիրիային և նրա դաշնակիցներին՝ այդ թվում Ռուսաստանին, դադարեցնել հարձակումները, որոնց զոհ են դարձել ավելի քան հազար խաղաղ բնակիչներ, այդ թվում՝ 215 երեխա:
