15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Շիրակի պետհամալսարանի ուսանողները բաց նամակ են հղել Սերժ Սարգսյանին՝ դասախոսներ Գագիկ Համբարյանին և Հովհաննես Խորիկյանին աշխատանքից ազատելու առնչությամբ
Հասարակություն
19.03.2018 | 17:41
Շիրակի պետհամալսարանի մի քանի բաժինների ուսանողներ դասադուլ են հայտարարել՝ բողոքելով համալսարանի ռեկտոր Սահակ Մինասյանի մարտի 15-ի որոշումների դեմ, որոնք վերաբերում են համալսարանի դասախոսներ Գագիկ Համբարյանին և Հովհաննես Խորիկյանին աշխատանքից ազատելուն: Ուսանողները նաև բաց նամակ են ուղղել Սերժ Սարգսյանին և 3 կետով ներկայացրել իրենց պահանջը.
1) Բեկանել ռեկտորի մարտի 15-ի որոշումները և անհապաղ աշխատանքի վերադարձնել դասախոսներ Գ. Համբարյանին և Հ. Խորիկյանին,
2) ապահովել մարտի 24-ին կայանալիք գիտխորհրդի և հոգաբարձուների խորհրդի համատեղ ընդլայնված նիստի թափանցիկությունը, այն կազմակերպել լրագրողների, բողոքին մասնակից ուսանողների հատուկ խմբի և Հ. Խորիկյանի ու Գ. Համբարյանի ներկայությամբ
3) ապահովել բուհի ֆինանսական վիճակի թափանցիկությունը և համալսարանի պաշտոնական կայքում զետեղել 2016թ. փոփոխված և 2017թ.նախահաշիվները և նույն թվականների ֆինանսական հաշվետվությունները, 2018 թվականի բյուջեի նախահաշիվը: Բաց նամակն արդեն մոտ 70 ուսանող է ստորագրել, օնլայն հարթակում ուսանողներն ունեն 200-ից ավելի համակիր:
