08.09.2026 | 14:08
Թասիբ էր. գործընկերոջս հարվածում էին, պատկերացրի` կարող է սպանեն. Տեր-Եսայանը` ծեծկռտուքի մասին․ ՏԵՍԱՆՅՈՒԹ
ՄԱԿ-ի գլխավոր քարտուղարը կոչ է արել անհապաղ ազատ արձակել Գվինեայի նախագահին
Քաղաքականություն
05.09.2021 | 20:41
ՄԱԿ-ի գլխավոր քարտուղար Անտոնիու Գուտերեշը դատապարտել է Գվինեայում իշխանության զավթումը և կոչ է արել անհապաղ ազատ արձակել այդ երկրի նախագահ Ալֆա Կոնդեին: ՏԱՍՍ-ի փոխանցմամբ՝ այս մասին ասված է համաշխարհային կազմակերպության ղեկավարի՝ Twitter-ում զետեղված հաղորդագրության մեջ:
«Ես ուշադիր հետևում եմ Գվինեայի իրավիճակին։ Ես վճռականորեն դատապարտում եմ զենքի ուժով կառավարման ցանկացած զավթում և կոչ եմ անում անհապաղ ազատ արձակել նախագահ Ալֆա Կոնդեին»,- նշվում է տեքստում:
Ավելի վաղ Գվինեայի Հանրապետությունում պետական հեղաշրջման փորձ էր կատարվել: Կոնդեն, ըստ նախնական տվյալների և մի շարք տեղական ԶԼՄ-ների տեղեկատվության, ձերբակալվել է։
Գվինեայում ապստամբների առաջնորդ գնդապետ Մամադի Դումբույան հայտարարել է կառավարության լուծարման մասին: Բացի այդ, նա հայտարարել է սահմանների փակման և Սահմանադրության գործողության կասեցման մասին։ Բոլոր գվինեացի զինվորականներին նա կոչ է արել առայժմ մնալ զորանոցներում։
Ընդ որում, Գվինեայի Հանրապետության իշխանությունները հայտարարել են, որ հետ են մղել զինված խռովարարների հարձակումը նախագահական նստավայրի վրա:
Գվինեայում խռովարարների կողմնակիցների խմբերը դուրս են եկել մայրաքաղաք Կոնակրիի փողոցներ՝ ողջունելով խռովարար զինվորականներին՝ ենթադրյալ պետական հեղաշրջման ֆոնին:
