26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Գվինեայում խռովարարների կողմնակիցները փողոց են դուրս եկել
Քաղաքականություն
05.09.2021 | 20:24
Գվինեայում խռովարարների կողմնակիցների խմբերը դուրս են եկել մայրաքաղաք Կոնակրիի փողոցներ՝ ողջունելով խռովարար զինվորականներին՝ ենթադրյալ պետական հեղաշրջման ֆոնին, հաղորդում է «ՌԻԱ Նովոստի»-ն:
Նշվում է, որ ապստամբներին դիմավորում են բանակի աջակցության կարգախոսներով։ Ընդ որում, ավելի վաղ պաշտոնապես հաղորդվել էր միայն նախագահի նստավայրի վրա ապստամբների հարձակումը հետ մղելու և իրավիճակի սրման ֆոնին իշխանությունների կարգուկանոնի կոչ անելու մասին:
Ավելի վաղ այդ օրը Գվինեայի Հանրապետությունում պետական հեղաշրջման փորձ էր կատարվել: Կոնդեն, ըստ նախնական տվյալների և մի շարք տեղական ԶԼՄ-ների տեղեկատվության, ձերբակալվել է։
Գվինեայում ապստամբների առաջնորդ գնդապետ Մամադի Դումբույան հայտարարել է կառավարության լուծարման մասին: Բացի այդ, նա հայտարարել է սահմանների փակման և Սահմանադրության գործողության կասեցման մասին։ Բոլոր գվինեացի զինվորականներին նա կոչ է արել առայժմ մնալ զորանոցներում։
Ընդ որում, Գվինեայի Հանրապետության իշխանությունները հայտարարել են, որ հետ են մղել զինված խռովարարների հարձակումը նախագահական նստավայրի վրա:
