13.02.2026 | 23:22
Ստեփանծմինդա-Լարս ավտոճանապարհը բաց է
Ադրբեջանն ու Թուրքիան Բաքվում համատեղ զորավարժություններ են սկսել
Քաղաքականություն
03.09.2021 | 16:50
Ադրբեջանի Պաշտպանության նախարարությունը հայտնում է, որ Թուրքիայի և Ադրբեջանի հրամանատարական կազմը համատեղ զորավարժություններ է սկսել: Այս մասին հայտնում է Daily Sabah-ը։
Նշվում է, որ «եղբայրական երկրների» զինծառայողները զորավարժությունները սկսել են Ադրբեջանի մայրաքաղաք Բաքվում՝ երկու երկրների միջև ռազմական համագործակցության մասին համաձայնագրի համաձայն։ Զորավարժությունները կտևեն մինչև սեպտեմբերի 12 -ը։
«Ադրբեջանի և Թուրքիայի զինծառայողների մասնակցությամբ անցկացվող զորավարժությունների հիմնական նպատակն է՝ բարելավել մարտական գործողությունների ընթացքում երկու երկրների բանակային ստորաբաժանումների փոխգործունակությունը, զարգացնել հրամանատարների միջև ռազմական որոշումներ կայացնելու հմտությունները և նրանց կարողությունը՝ վերահսկել ստորաբաժանումները»,- ասված է Ադրբեջանի ՊՆ հաղորդագրության մեջ:
Թուրքիայի Ազգային պաշտպանության նախարարությունն էլ իր հերթին հայտնել է, որ զորավարժությունների ժամանակ բնակավայրերում հետևակի ու հրազենի կիրառմամբ ռազմական գործողությունների ուսուցում է անցկացվելու։
Տաթև Ֆռանգյան
