18.01.2026 | 11:10
ԵՄ երկրների դեսպանները հավաքվում են արտակարգ նիստի․ պատճառը Թրամփի հայտարարությունն է
ՊՆ-ի պարզաբանումը՝ Եռաբլուրում զինծառայողի շիրմաքարի ապամոնտաժման վերաբերյալ․ ՏԵՍԱՆՅՈւԹ
Հասարակություն
31.08.2021 | 19:52
ՀՀ պաշտպանության նախարարությունը պարզաբանել է այսօր տարածված տեղեկատվությունը` Եռաբլուրում կատարված դեպքի մասին։
«Զինուժ մեդիա»–ի տարածած տեսանյութում պաշտպանության նախարարի խորհրդական Վարդան Ավետիսյանը հայտնում է, որ 44-օրյա պատերազմում զոհված և «Եռաբլուր» զինվորական պանթեոնում հուղարկավորված զինծառայողներից մեկի գերեզմանի վրա կառուցված շինությունն ապամոնտաժվել է պետական ծրագրի շրջանակներում` սահմանված ընդհանուր չափորոշիչներին համապատասխանեցնելու նպատակով։
«Ծնողը` Ռոման Գևորգյանը, չանսալով մեր հորդորներին, մեր խնդրանքներին, շարունակել է աճյունատեղում կառուցել երկու հսկա սյուն–կոթողներով դամբարանատիպ շիրիմ, որը, բնականաբար, ստվեր է ձգել կողքի շիրիմներին։ Իսկ հետևի շիրիմներն ամբողջովին ծածկել է»,– նշում է նախարարի խորհրդականը` հավելելով, որ դա բողոք է առաջացրել մյուս զոհված զինծառայողների ծնողների մոտ:
Նախարարի խորհրդականի խոսքով՝ որոշվել է կառուցել գերեզման, որը կհամապատասխանի մյուս գերեզմանների չափորոշիչներին. «Բոլոր ծնողներն ընդունում են Պաշտպանության նախարարության սահմանած չափորոշիչները»:
Մանրամասները՝ տեսանյութում:
