Քաղաքականություն
31.08.2021 | 20:03
Աֆղանստանի Փանջշիր նահանգում վերսկսվել են բախումները «Թալիբան» շարժման զինյալների և դիմադրության ուժերի միջև: Ըստ դիմադրության ուժերի հրամանատարի՝ «հարյուրավոր» արմատականներ վիրավորվել եւ սպանվել են: Այդ մասին երեքշաբթի օրը հայտնել է CNN հեռուստաալիքը:
«Խավակի լեռնանցքի տարածքում, որը տանում է դեպի Փանջշիր, կատաղի մարտերը շարունակվում են: Թալիբները հարյուրավոր զոհեր ու վիրավորներ են տվել»,- ասել է հրամանատարը:
Դիմադրության ճակատի խոսնակ Ալի Մայսամ Նազարին նշել է, որ թալիբները խախտել են «ջենտլմենական պայմանավորվածությունը» եւ երկուշաբթի փորձել են հարձակվել Փանջշիրի վրա:
Դիմադրությանը հաջողվել է հետ մղել հարձակումը, թալիբները նահանջել են դեպի Փարվան նահանգի վարչական կենտրոն՝ Չարիքար քաղաք:
Տաթև Ֆռանգյան
