16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Գյումրիում տղամարդը չի կարողացել հաշվից գումար կանխիկացնել և սպառնացել է պայթեցնել բուքմեյքերական գրասենյակը․ ոստիկանները կանխել են
Հասարակություն
31.08.2021 | 18:33
Օգոստոսի 28-ին, ժամը 19.30-ին, ոստիկանությունում ստացվել է ահազանգ: Գյումրիի մի բուքմեյքերական գրասենյակի աշխատակիցը հայտնում էր, որ գրասենյակ է զանգել 48-ամյա մի տղամարդ և ասել, թե ցանկանում է գումար կանխիկացնել իր հաշվից, ինչը մերժվել է, տղամարդն էլ սպառնացել է պայթեցնել գրասենյակը. տեղեկացնում են ՀՀ ոստիկանությունից:
Շտապ դեպքի վայր են մեկնել ոստիկանության Կումայրիի և Մուշի բաժինների ծառայողներն ու Շիրակացու փողոցում հայտնաբերել տղամարդուն: Տեսնելով ոստիկաններին` նա հայտնել է, որ բուքմեյքերական ընկերության հետ գումարային խնդիր ունի և ցանկանում է պայթեցնել գրասենյակը: Այնուհետև նա գրպանից հանել է նռնակի նմանվող առարկա և սպառնացել, որ եթե ոստիկանները մոտենան՝ իրեն կպայթեցնի: Ոստիկանների հմուտ գործողությունների արդյունքում նա, այնուամենայնիվ, բերման է ենթարկվել Մուշի բաժին:
Անձնական խուզարկությամբ նրա գրպանից հայտնաբերվել և վերցվել է նռնակի նմանվող երկու առարկա:
Տղամարդը հայտնել է, որ դրանք նռնակ են, որոնք 1990 թվականին իրեն տվել է հանգուցյալ ֆիդայի ընկերը, որի անունը չի հիշում:
Հարուցվել է քրեական գործ, տղամարդը ձերբակալվել է:
Նշանակվել է դատապայթյունատեխնիկական փորձաքննություն, հանգամանքները պարզվում են:
