25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Հարավային Կովկասում լարվածությունը պահպանվում է Ադրբեջանի ապակառուցողական քաղաքականության պատճառով․ Միրզոյանը՝ Լավրովի հետ հանդիպմանը
Քաղաքականություն
31.08.2021 | 15:33
Հարավային Կովկասում լարվածությունը պահպանվում է Ադրբեջանի ապակառուցողական քաղաքականության պատճառով, որը չի կատարում Լեռնային Ղարաբաղում ռազմական գործողությունների դադարեցման մասին նոյեմբերի 9-ին կնքված հրադադարի եռակողմ հայտարարության դրույթները։ Այս մասին այսօր Մոսկվայում իր ռուս գործընկեր Սերգեյ Լավրովի հետ հանդիպման ժամանակ հայտարարել է ՀՀ ԱԳՆ ղեկավար Արարատ Միրզոյանը։
«Տարածաշրջանում կայունությունը հանդիսանում է մեր ռազմավարությունը, և մենք պատրաստ են այս ուղղությամբ ակտիվ երկխոսության։ Սակայն տարածաշրջանում պահպանվում է բավականին լարված իրավիճակ, և դա զգալի մասով կանխորոշվում է Ադրբեջանի ապակառուցողական քաղաքականության պատճառով։ Ուզում եմ հայտարարել, որ Բաքուն չի կատարում Հայաստանի, Ռուսաստանի և Ադրբեջանի ղեկավարների՝ 2020 թվականի նոյեմբերի 9-ի եռակողմ հայտարարությամբ ստանձնած պարտավորությունները, որը ձեռք է բերվել Վլադիմիր Պուտինի անձնական ջանքերի շնորհիվ»,- հայտարարել է Միրզոյանը։
«Ավելին, միջազգային իրավունքի բոլոր նորմերի խախտմամբ Ադրբեջանը բացահայտ սադրիչ գործողություններ է կատարում, որոնք հանդիսանում են անմիջական ոտնձգություն Հայաստանի ինքնիշխան տարածքի նկատմամբ, ինչի հետ մենք բախվեցինք սույն թվականի մայիսի 12-ին»,- հավելել է ՀՀ ԱԳ նախարարը՝ շեշտելով, որ այս բոլոր գործողություններն ուղեկցվում են հայատյաց հայտարարություններով։
Տաթև Ֆռանգյան
