23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Քալիֆորնիայում մոլեգնող հրդեհների պատճառով շուրջ 30․000 մարդ է տարհանվել․ իրավիճակը դեռևս բարդ է
Քաղաքականություն
31.08.2021 | 15:52
ԱՄՆ Քալիֆորնիա նահանգի Էլ Դորադո շրջանում «Քալդոր» հրդեհի պատճառով ավելի քան 30․000 մարդ է տարհանվել։ Այս մասին ասված է նահանգապետի գրասենյակի տարածած հայտարարության մեջ։
Հրդեհի մակերեսը, որը սկսվել էր օգոստոսի կեսերին Քալիֆորնիայի արևելքում գտնվող Սիերա Նևադա լեռնային շրջաններում, երկուշաբթի գերազանցել է 700 քառակուսի կմ-ը։ Կրակը սկսել է մոտենալ բնակավայրերին։ Արդյունքում նահանգի իշխանությունները ստիպված են եղել հայտարարել Էլ Դորադոյի շրջանից տարհանման մասին։
Հրդեհը սպառնում է նաև Թահոե լճի տարածքում գտնվող հանգստյան գոտուն, որը զբոսաշրջիկների սիրելի վայրերից է: Այս տարածքից ևս տարհանում է իրականացվում։ Արտակարգ իրավիճակների ծառայությունները ենթադրում են, որ հրդեհը կարող է ոչնչացնել մինչև 20․000 շինություն:
Քալիֆորնիայում անտառային հրդեհների հետ կապված իրավիճակը շարունակում է մնալ բարդ: Երկուշաբթի նահանգապետարանը հայտարարել է, որ օգոստոսի 31-ից սեպտեմբերի 17 -ն արգելվում է նահանգի անտառային տարածքներ այցելել:
Տաթև Ֆռանգյան
