18.05.2026 | 17:40
«Բարսելոնան» երկարաձգեց Ֆլիկի հետ պայմանագիրը․ ՏԵՍԱՆՅՈՒԹ
Զինծառայողների հարազատները կներգրավվեն 44-օրյա պատերազմի հանգամանքներն ուսումնասիրող քննիչ հանձնաժողովի աշխատանքներում
Քաղաքականություն
30.08.2021 | 17:52
Ազգային ժողովի նախագահ Ալեն Սիմոնյանն օգոստոսի 30-ին աշխատանքային փակ քննարկում է նախաձեռնել 44-օրյա պատերազմում անհետ կորած և գերեվարված զինծառայողների հարազատների հետ։ Այս մասին տեղեկացնում են ՀՀ ԱԺ-ից:
Քննարկմանը մասնակցել են ԱԺ երեք խմբակցություններից պատգամավորներ, պատասխանատու գերատեսչությունների բարձրաստիճան ներկայացուցիչներ:
Քննարկման ավարտին որոշվել է, որ ձևավորվելիք՝ 2020 թվականի սեպտեմբերին վերսկսված պատերազմական գործողությունների հանգամանքների ուսումնասիրման քննիչ հանձնաժողովի աշխատանքներին պետք է մասնակցեն նաև զինծառայողների հարազատները:
Նշենք, որ պատգամավորները հրաժարվում են մեկնաբանել քննարկմանն առնչվող որևէ հարց։ ՔՊ-ական որոշ օրենսդիրներ տեսախցիկից դուրս Factor.am-ին փոխանցեցին, որ ծանր, բայց օգտակար քննարկում է եղել։ Իսկ թե երբ է ստեղծվելու քննիչ հանձնաժողովը, առայժմ հայտնի չէ։
