05.07.2026 | 15:19
«Ռեալը» հայտարարեց ևս մեկ տրանսֆերի մասին
Ալիևը հայտարարել է, թե «ԼՂ հակամարտությունը խաղաղ ճանապարհով երբեք չէր լուծվի»
Քաղաքականություն
30.08.2021 | 16:11
Հետպատերազմյան ժամանակաշրջանն ու միջազգային ուժերի գործողությունները վկայում են այն մասին, որ ղարաբաղյան հակամարտությունը երբեք չէր ավարտվի բանակցությունների ճանապարհով։ Ադրբեջանական լրատվամիջոցների հաղորդմամբ՝ այս մասին Շուշիում հայտարարել է Ադրբեջանի նախագահ Իլհամ Ալիևը։
«Ինչպես հայտնի է՝ բանակցային գործընթացը տևել է շուրջ 30 տարի, սակայն ոչ մի արդյունք չի տվել: Իրադարձությունների ներկա ընթացքը և միջազգային ուժերի գործողությունները ցույց են տալիս, որ այդ հարցը երբեք լուծում չէր գտնի բանակցությունների ճանապարհով»,- հայտարարել է Ալիևը:
Նա նշել է, թե միջազգային հանրությունը փորձում էր սառեցված հակամարտությունը մատուցել որպես հակամարտություն, որն այլընտրանքային տարբերակ չուներ։ Ալիևը շեշտել է, թե Ադրբեջանը մշտապես հայտարարել է, որ եթե հարցը չլուծվի խաղաղ ճանապարհով, ապա «Բաքուն կվերականգնի իր տարածքային ամբողջականությունը ռազմական ճանապարհով»։
Տաթև Ֆռանգյան
