26.04.2026 | 15:21
Իվետա Մուկուչյանի լուսանկարը կեղծվել է. կախազարդն իրականում խաչի տեսքով է
ԱՀԿ-ն և ՅՈւՆԻՍԵՖ-ը կոչ են անում բացել դպրոցները
Քաղաքականություն
30.08.2021 | 15:42
Առողջապահության համաշխարհային կազմակերպության (ԱՀԿ) տարածաշրջանային գրասենյակը և ՄԱԿ-ի մանկական հիմնադրամի (ՅՈւՆԻՍԵՖ) Եվրոպայի և Ասիայի տարածաշրջանային գրասենյակը կոչ են անում բացել դպրոցներն ու միջոցներ ձեռնարկել՝ նվազագույնի հասցնելու կորոնավիրուսի տարածման վտանգը:
Կազմակերպությունների համատեղ հայտարարության մեջ նշվում է, որ ուսուցիչները և դպրոցի անձնակազի մյուս անդամները պետք է լինեն պատվաստման ազգային ծրագրերի առաջնային թիրախային խմբերը՝ հավելելով, որ 12 տարեկանից բարձր երեխաները նույնպես պետք է պատվաստվեն:
«Կարևոր է նաև օդափոխել դասարանները, անհրաժեշտության դեպքում՝ երեխաներին բաժանել փոքր դասարանների, ապահովել երեխաների և անձնակազմի ֆիզիկական հեռավորությունն ու կանոնավոր թեստավորումը»,- ասված է հայտարարության մեջ:
ԱՀԿ-ի Եվրոպայի տարածաշրջանային տնօրեն Հանս Կլյուգեն կարծում է, որ «կարևոր է, որ դասարանային ուսուցումը շարունակվի անխափան»:
Ըստ Կլյուգեի՝ մինչ համաճարակը շարունակվում է, դպրոցում երեխաներին անվտանգ կրթելն «առաջնային է նրանց կրթության, հոգեկան առողջության և սոցիալական հմտությունների համար» և պետք է «գերակա առաջնահերթություն» լինի կառավարությունների համար:
Տաթև Ֆռանգյան
