16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Արևելաչինական ծովում իրավիճակը սրվել է Չինաստանի ու Ճապոնիայի միջև
Քաղաքականություն
30.08.2021 | 18:37
Չինաստանի ծովային ոստիկանության չորս պարեկային նավ օգոստոսի 30-ին մուտք է գործել Արևելաչինական ծովում վիճելի Սենկակու կղզիների (Դյաոյույդաո կղզիներ) մոտ գտնվող գոտի, որը Ճապոնիան համարում է իր տարածքային ջրերը: Այս մասին գրում է EADaily-ն՝ հղում կատարելով NHK հեռուստաալիքին:
Ճապոնական առափնյա պահպանության նավերի անձնակազմը բարձրախոսով պահանջել է չինական պարեկային նավերից անհապաղ հեռանալ տարածքից: Հեռուստաալիքի փոխանցմամբ՝ ՉԺՀ նավերը փորձել են մոտենալ ճապոնական ձկնորսական նավերին, որոնք տեղակայված են եղել նշված տարածքում: Որևէ միջադեպի մասին չի հաղորդվում։
Այս կղզիների շուրջ վեճը սրվեց այն բանից հետո, երբ 2012 թվականի սեպտեմբերին Տոկիոն հայտարարեց, որ այդ կղզիները գնել է մասնավոր սեփականատերերից, որոնք հանդիսանում են Ճապոնիայի քաղաքացիներ: Դրանից հետո ՉԺՀ-ում տեղի ունեցան բողոքի զանգվածային ցույցեր, որոնք ուղեկցվեցին ճապոնական ռեստորանների և ձեռնարկությունների դեմ հարձակումներով:
Այդ ժամանակից ի վեր չինական նավերը մշտապես նավարկում են վիճելի արշիպելագի մոտ և ցուցադրական մուտքեր կատարում դեպի ափամերձ գոտիներ:
Տաթև Ֆռանգյան
