Քաղաքականություն
30.08.2021 | 10:04
Օգոստոսի 30-ի առավոտյան մի քանի պայթյունների ձայներ են լսվել Քաբուլում: Ուղիղ եթերում այդ մասին հայտնել Է CNN հեռուստաընկերության լրագրողը՝ վկայակոչելով ականատեսների, գրում է ՏԱՍՍ-ը:
«Վերջին ժամերի ընթացքում Քաբուլում պայթյուններ են լսվել»,- ասել է նա՝ նշելով առայժմ մանրամասնություններ չեն հաղորդվունմ պայթյունների հանգամանքների վերաբերյալ:
Օգոստոսի 29-ին ամերիկյան ուժերն անօդաչուով հարված են հասցրել Քաբուլում՝ ոչնչացնելով պայթանյութով ավտոմոբիլ, որի միջոցով մտադրվել էին ահաբեկչական գործողություն կատարել «Իսլամական պետությունը Խորասանում» խմբավորման զինյալները, որն «Իսլամական պետություն» ծայրահեղական կազմակերպության ճյուղավորումն է:
Ստացվող տվյալների համաձայն՝ ԱՄՆ-ի զինված ուժերի գրոհի արդյունքում ոչնչացվել է երկու փոխադրամիջոց և մասնակիորեն քանդվել է մի բնակելի տուն: CNN հեռուստաընկերության տվյալներով՝ հարվածի զոհ է դարձել ինը մարդ:
