19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
«Թալիբան»-ն օգնություն է խնդրել Թուրքիայից Քաբուլի օդանավակայանի կառավարման հարցում
Քաղաքականություն
26.08.2021 | 19:40
«Թալիբան»-ը խնդրել է Թուրքիային տեխնիկական աջակցություն ցուցաբերել՝ Քաբուլի օդանավակայանի կառավարման հարցում։ Այս մասին Reuters-ին ասել են երկու թուրք պաշտոնյաներ, գրում է «Ահվալ» գործակալությունը։
Պաշտոնյաներից մեկն ասել է, որ այս խնդրանքը Թուրքիային դժվարին իրավիճակի մեջ է դնում՝ համաձայնելու նման վտանգավոր աշխատանքի, այն դեպքում, երբ «Թալիբան»-ը պահանջում էր թուրքական զորքերը դուրս բերել Աֆղանստանից։
«Աշխատակիցների անվտանգության ապահովումը, առանց թուրքական զինված ուժերի, վտանգավոր գործ է»,- ասել է պաշտոնյան՝ անանունության պայմանով։
«Թալիբան»-ի անդամներից մեկը, սակայն, Middle East Eye-ի հետ զրույցում հերքել է նման խնդրանքի մասին լուրը։
«Դա ճիշտ չէ»,- ասել է շարժման խոսնակ Զաբիհուլլահ Մուջահիդը։
Թուրքիան, որը պատասխանատու էր օդանավակայանի անվտանգության համար, չորեքշաբթի օրվանից սկսել է իր զինվորականների դուրսբերումը Քաբուլից: Թուրքական զինված ուժերն Աֆղանստանում ՆԱՏՕ-ի առաքելության մաս էին կազմում, որոնք մարտական դեր չէին կատարում:
Էմմա Չոբանյան
