16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՀԿ ղեկավարը հորդորել է աշխարհին պատրաստվել նոր համաճարակի
Քաղաքականություն
26.08.2021 | 17:06
Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրիեսուսը կոչ է արել աշխարհի երկրներին պատրաստվել նոր համաճարակի առաջիկա երեք ամիսների ընթացքում: Այս մասին նա հայտարարել է Ժնևում կայացած ճեպազրույցի ժամանակ, որը հեռարձակվել է կազմակերպության թվիթերյան էջով:
Ըստ Գեբրիեսուսի՝ աշխարհում իրավիճակը կայունացել է, սակայն հիվանդացության ու դրանից մահացության ցուցանիշը մնում են շատ բարձր մակարդակի վրա:
«Առաջիկա երեք ամիսները կրիտիկական ժամանակաշրջան կլինեն՝ ապագա համաճարակին նախապատրաստվելու և դրան արձագանքելու համար»,- ասել է Գեբրիեսուսը:
Ավելի վաղ ԱՀԿ -ն հայտարարել էր աշխարհում կորոնավիրուսային վարակի տարածման տեմպերի կայունացման՝ շաբաթական մոտ 4,5 միլիոն նոր դեպքի մասին: Կազմակերպությունը հայտնել էր, որ սա ենթադրում է, որ ամեն շաբաթ նոր դեպքերի թիվը, ամենայն հավանականությամբ, կայունանում է գրեթե երկու ամիս տևած աճից հետո:
Տաթև Ֆռանգյան
