07.11.2024 | 22:35
Փաշինյանը հանդիպում է ունեցել Մակրոնի հետ
Ռուսաստանի և Եվրամիության հարաբերություններն այժմ անմխիթար վիճակում են․ Լավրով
Քաղաքականություն
25.08.2021 | 19:20
Ռուսաստանի և Եվրամիության միջև հարաբերությունների վիճակն այժմ անմխիթար է, և շփումները հասցված են նվազագույնի: Այս մասին չորեքշաբթի օրը հայտարարել է Ռուսաստանի արտգործնախարար Սերգեյ Լավրովն Ավստրիայի ԱԳ նախարար Ալեքսանդր Շալենբերգի հետ բանակցություններից հետո կայացած մամուլի ասուլիսում, գրում է ՏԱՍՍ-ը։
«Մենք հատուկ ուշադրություն ենք դարձրել եվրոպական մայրցամաքում տիրող իրավիճակին, ներառյալ՝ Ռուսաստանի և Եվրամիության միջև հարաբերությունների անմխիթար վիճակին:
Բրյուսելի հետ շփումները նվազագույնի են հասցվել ՝ Ռուսաստանին զսպելու ԵՄ քաղաքականության պատճառով», – ասել է նա:
«Մենք մեր կողմից պատրաստակամություն հայտնեցինք զարգացնել պրագմատիկ երկխոսություն և՛ Եվրոպական միության, և՛ դրա անդամների հետ՝ բացառապես հավասար և փոխադարձ հարգանքով և փոխադարձ շահերին համապատասխանող ոլորտներում համաձայնություններ փնտրելով», – հավելել է Լավրովը:
Նախարարն անդրադարձել է, որ Ալեքսեյ Նավալնին, որի մասին մամուլի ասուլիսում նշել էր Ավստրիայի արտգործնախարարը, պատիժ է կրում տնտեսական հանցագործությունների համար:
Տաթև Ֆռանգյան
