Տեսանյութեր
25.08.2021 | 17:05«Երեկ աննախադեպերի շարքը լրացվեց մի զարզրելի արարով, երբ ԱԺ նախագահի և ՀՀ վարչապետի անմիջական սադրանքի արդյունքում դահլիճ մտան անվտանգության մի քանի տասնյակ աշխատակիցներ, որ կատարեին մի կին պատգամավորի՝ դահլիճից հեռացնելու հրահանգը»,- նշեց «Հայաստան» դաշինքի պատգամավոր Արմենուհի Կյուրեղյանը:
Պատգամավորն այդ արարքն աննախադեպ համարեց բռնության և վայրենության առումով և նշեց, որ այն արձանագրվեց հիմնական զեկուցողի ելույթից ընդամենը 10 րոպե անց:
Կառավարության 2021-26 թթ. գործունեության ծարգրում երկար խոսվեց բանակում կանանց ներգրավվածության մասին: Կյուրեղյանը հարցրեց. «Կանանց նկատմամբ ուժային կառույցների նման վերաբերմունքո՞վ եք ուզում կանանց ներգրավվել զինված ուժեր, պարո՛ն հիմնական զեկուցող»:
Կյուրեղյանը դիմելով ՔՊ-ի կին պատգամավորներին՝ նշեց, որ միջազգային կառույցներում բազմիցս նրանք ելույթ են ունեցել կանանց իրավունքների մասին, բայց լռեցին Աննա Մկրտչյանի հետ կատարվածի դեպքում. «Ձեր ներկայությամբ ձեր կուսակցության ղեկավարը հայտնում է, որ կատարվածը դեռ քիչ է: Այսպիսի երկակի ստանդարտներո՞վ եք ուզում ժողովրդավարություն իրականացնել»:
Պատգամավորը հայտնեց, որ դեռ 2018 թվականի իր բոլոր ելույթներում և հարցազրույցներում նշել է այն վտանգները, որոնց առաջ կարող էր կանգնել պետությունը այս իշխանությունների պարագայում:
Կյուրեղյանը նշեց, որ կառավարության ծրագրի նախորդ քննարկումներից պարզվել է, որ գործ ունեն հին իշխանությունների հետ, հին կազմով, որը հարցադրումներից խուսափում է՝ անընդհատ ոջիլի անեկդոտի նման՝ հին քարոզարշավի ոճով՝ ոչ բովանդակային պատասխաններ հնչեցնելու գործելաոճով:
Նա շեշտեց, որ Փաշինյանը չի ցնականում ընդունել, որ գործ ունի նոր որակի ընդդիմության հետ. «որը բոլոր հարցերի հիմնավորումն ունի և կարող է ճիշտը ստից տարբերել, բովադակայինը՝ պոպուլիզմից»:
Դիմելով իշխանական պատգամավորներին՝ «Հայաստան» դաշինքի պատգամավորն ընդգծեց, որ ուզեն թե չուզեն իրենց իշխանության օրոք է երկիրը ահռելի կորուստներ ունեցել. «Իսկ դրա հետ ժողովուրդը չի համակերպվելու և միշտ ձեզ հիշելու է որպես այդ կորուստների պատասխանատու»:
Մանրամասները՝ տեսանյութում:
