19.11.2024 | 12:28
Փաշինյանի նոր կերպարը․ վարչապետը փոխել է ֆեյսբուքյան էջի գլխավոր լուսանկարն ու ետնանկարը
Դուք ուզում եք աշխատել, խնդիրները լուծե՞լ, թե` կազմալուծել․ Բաբկեն Թունյանը դիմեց ընդդիմությանը. ՏԵՍԱՆՅՈՒԹ
Տեսանյութեր
25.08.2021 | 15:52
«Մեզ ասում են՝ կառավարության ծրագիրն անորակ է, «ջուր» է, չեք կարող կյանքի կոչել: Ազգային ժողովում այս մասին նշեց «Իմ քայլը» խմբակցության պատգամավոր Բաբկեն Թունյանը՝ հավելելով, որ կառավարության այս ծրագիրը շատ ավելի լավն է և հիմնավորված է, քան նախորդ ծրագիրը՝ 2018-ին ներկայացվածը:
«Որ ասում եք՝ կառավարության ծրագիրը չի կատարվելու, 7 տոկոսի աճ չի ապահովվելու ձախողելու եք, 2008 թվականին, երբ Տիգրան Սարգսյանն ընտրություններից հետո նշանակվեց վարչապետ, այն ժամանակ էլ կոալիցիոն կառավարության կազմում մեր գործընկերները կային, ու ես ուզում եմ հիշեցնել մի քանի թիրախներ. դուք խոստացել էիք ապահովել տարեկան 8-10 տոկոս տնտեսական աճ, դուք խոստացել էիք նվազագույն աշխատավարձը կրկնապատկել, կենսաթոշակները հասցնել սպառողական զամբյուղին, աղքատությունն իջեցնել 11.2 տոկոսի, գործազրկության մակարդակը նվազեցնել մի քանի տոկոսային կետով: Ոչ մի բան տեղի չունեցավ ձեր ասածներից:
Կարող եք ասել՝ տեղի ունեցավ ֆինանսական ճգնաժամ, ճիշտ կասեք: Բա էս դեպքում ցուցանիշներից հաշվի չեք առնում, որ տեղի է ունեցել քովիդի ճգնաժամ, ու տեղի է ունեցել պատերազմ»,- նշեց Բաբկեն Թունյանը:
«Մենք ունենք համակարգային խնդիրներ, մեր կառավարության ծրագրով ցանկանում ենք լուծել դրանք: Դուք մասնակցելո՞ւ եք այդ խնդիրների լուծմանը… Ձեր օրակարգը ո՞րն է: Դուք ուզում եք աշխատել, խնդիրները լուծե՞լ, թե` կազմալուծել»,- ընդգծեց Թունյանը՝ դիմելով ընդդիմությանը:
Մանրամասները՝ տեսանյութում:
