23.08.2026 | 22:08
2 քննիչներին ծեծի ենթարկած ոստիկանը և ևս 1 մեղադրյալ կալանավորվել են․ ՔԿ
Կապիկություն էին անում որոշ քաղաքական ուժերի առաջադրած վարչապետի թեկնածուներ հոկտեմբերի 27-ի առիթով․ Փաշինյան․ ՏԵՍԱՆՅՈՒԹ
Քաղաքականություն
24.08.2021 | 17:49
«Սա ի՞նչ թատրոն է, ինչի՞ց եք վախենում։ Վախ չափելու բազմաթիվ ձևեր կան, ԱԺ դարպասները բացել էիք, ԱԺ տարածքը իբր վերադարձրել քաղաքացիներին, ի՞նչ է փոխվել… Ազգային ժողովը՝ որպես պետական ինստիտուտ, իմ տպավորությամբ, փաստացի ազատազրկվել է՝ պատգամավորներով, լրագրողներով։ Ի՞նչ եք մտածում, երբ եք պատրաստվում վերջ տալ այս ԱԺ ազատազրկմանը, էս կապիկությանը»,- ԱԺ նիստում այս մասին նշեց «Հայաստան» խմբակցության պատգամավոր Աղվան Վարդանյանը՝ դիմելով վարչապետ Նիկոլ Փաշինյանին:
Ի պատասխան Նիկոլ Փաշինյանը նշեց. «Մենք բոլորս գիտենք, որ որոշ քաղաքական ուժերի առաջադրած վարչապետի թեկնածուներ 1999 թվականի հոկտեմբերի 27-ի առիթով կապիկություն էին անում՝ ասելով, որ այդ մարդիկ, ովքեր գլխատել են ՀՀ-ն, ռոմատիկներ են։ Եվ այդ ռոմանտիկները կոնկրետ քաղաքական ուժերի հետ կոնկրետ առնչություններ ունեին։ Էդ քաղաքական ուժն ասում ա, որ իրենք նախկին չեն լինում։ Եվ եթե որոշ մարդիկ նեղված են, որ հերթական «ռոմանտիզմը» ցուցաբերելու հնարավորությունից զրկված են, էդ էն ուժերի մասին է, ովքեր ասում են, որ ժողովուրդը չի կարող դատավճիռ կայացնել, բայց իրենք իրենց փոքր խմբակներով մարդկանց գնդակահարելու, կախաղաններ հանելու դատավճիռներ էին կայացնում։
ՀՀ ժողովրդի կամքով ձևավորված ինստիտուտները պաշտպանված են լինելու միանշանակ։ Եվ որևէ մեկը թող կապկային սեթևեթանքներ չանի։
ՀՀ կառավարությունը ստացել է շատ հստակ մանդատ և առանց սեթևեթանքների այդ մանդատն իրագործելու է։
Եթե ոմանք վատ են զգում, որ իրենց կուսակցության անդամի շապիկը պատռել են և ոչ թե նրան անզգույշ քաշքշել են մոտակա զուգարանում, որից հետո նրանք տասնամյակներով այդ լռության պայմաններում եղել են այդ նույն իշխանության մաս, դա իրենց պրոբլեմն է»։
Մանրամասները՝ տեսանյութում:
