Քաղաքականություն
24.08.2021 | 17:05«Ինչ վերաբերում է նոյեմբերի 9-ի փաստաթուղթը ստորագրելուն, ես այդ պահին արձանագրել եմ այն իրողությունները, որոնք կան և ես այդ պահին ստորագրել եմ այդ փաստաթուղթը, ստանձնել եմ այդ պատասխանատվությունը։
Եվ ես չեմ լսել որևէ մեկին, այդ թվում՝ ընդդիմադիր դաշտից, այդ թվում՝ այսօր և համոզված եմ՝ վաղն էլ չեմ լսի, որ որևէ մեկը կասի՝ պետք է Հայաստանի ստորագրությունը հետ կանչել այդ փաստաթղթի տակից»,- այս մասին ԱԺ նիստում ասաց վարչապետ Նիկոլ Փաշինյանը։
Նա նշեց, որ որ 2020 թվականի օգոստոսին ՀՀ զինված ուժերի գլխավոր շտաբը Ազգային անվտանգության խորհրդին զեկուցել է, որ Հայաստանի բանակը պատարստ է ոչ մի քայլ հետ տրամաբանությամբ ապահովել Լեռնային Ղարաբաղի անվտանգությունը։
«Իմ հայտարարությունները և գործողությունները ճշգրիտ համապատասխանում են իրար: Իսկ նոյեմբերի 9-ի փաստաթուղթը ստորագրվել է, որովհետև ոմանց խոսքը չի համապատասխանել այն զեկույցներին, որոնք նրանց կողմից տրվել են»,- ընդգծեց վարչապետը:
Մանրամասները՝ տեսանյութում:
