18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Ծննդկանի մահվան դեպքի առթիվ հարուցվել է քրեական գործ
Հասարակություն
23.08.2021 | 17:39
2021թ. օգոստոսի 20-ին Թալինի բժշկական կենտրոնից հաղորդում է ստացվել այն մասին, որ կեսարյան հատումից հետո բժշկական կենտրոնում ծննդկան է մահացել՝ ծնված 1990թ.:
Ինչպես տեղեկացրին ՀՀ քննչական կոմիտեից, դեպքի առթիվ նյութերի նախապատրաստման ընթացքում նշանակվել է դիակի դատաբժշկական փորձաքննություն, հարցաքննվել են մի շարք անձինք, այդ թվում՝ հերթապահ բուժանձնակազմը:
Նկատի ունենալով, որ նախապատրաստված նյութերն առերևույթ պարունակում են քրեական գործ հարուցելու օրինական հիմք և առիթ, ՀՀ քննչական կոմիտեի Արագածոտնի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 130-րդ հոդվածի 2-րդ մասով: 30-ամյա կինը ճանաչվել է տուժող:
Կատարվում է նախաքննություն: Ձեռնարկվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքները, ծննդկանի մահվան պատճառը (պատճառները) պարզելու, օբյեկտիվ, լրիվ և բազմակողմանի քննությունն ապահովելու ուղղությամբ:
Ավելի վաղ տեղեկացրել էինք, որ օգոստոսի 20-ին «Թալին» բժշկական կենտրոնում 31-ամյա ծննդկան է մահացել։ Ինչպես Factor.am-ի հետ զրույցում նշել էր ԲԿ-ի տնօրեն՝ Սարգիս Ավագյանը, կինը ծննդաբերել է օգոստոսի 19-ին, սակայն հաջորդ օրը՝ առողջական վիճակը կտրուկ վատացել է։
