13.11.2026 | 19:38
Արսեն Գևորգյանին 2 ամսով կալանավորած դատավորը բուն գործով ինքնաբացարկ է հայտնել
Օգոստոսի 23-ից Երևան-Երասխ երթուղին սպասարկելու է ժամանակակից էլեկտրագնացքը
Հասարակություն
23.08.2021 | 16:10
Օգոստոսի 23-ից Երևան-Երասխ-Երևան երթուղին սպասարկելու է «Հարավկովկասյան երկաթուղի» ընկերության ԷՊ2Դ նոր տիպի չորս էլեկտրագնացքներից մեկը: Այն կփոխարինի հին ԷՌ-2 էլեկտրագնացքը:
Ինչպես տեղեկացնում են ՀԿԵ-ից, ընկերության ղեկավարությունը խոստացել է նոր շարժակազմը շահագործմանը հանձնել օգոստոսի սկզբին կայացած շնորհանդեսի ժամանակ: Միևնույն ժամանակ, էլեկտրագնացքի ժամանակացույցը փոփոխության չի ենթարկվել. Երևանից էլեկտրագնացքը մեկնում է ամեն օր ժամը 19:00 -ին, իսկ Երասխից` 6:30-ին:
ՀԿԵ-ի սակագնային քաղաքականության շրջանակներում ուղեվարձը փոքր-ինչ թանկացել է: Երևանից Զոդ կայարան տոմսի գինը բարձրացել է մինչև 350 դրամ (նախկին 300-ի փոխարեն), իսկ Սուրենավան, Արմաշ և Երասխ կայարանները` մինչև 700 դրամ (նախկինում` 600 դրամ):
Ավելի մանրամասն տեղեկությունների համար կարող եք այցելել ՀԿԵ-ի պաշտոնական կայքը` www.railway.am:
Ընկերությունը կոչ է անում քաղաքացիներին խստորեն պահպանել կորոնավիրուսային վարակի դեմ պայքարի պաշտոնական կանոնները, բժշկական դիմակներ կրել տարածքներում և գնացքներում և անպայման օգտագործել հակասեպտիկներ:
