09.06.2026 | 00:17
Մարկո Ռուբիոն շնորհավորել է Փաշինյանին
«Հենրի» տրոպիկական փոթորիկը հարվածել է ԱՄՆ արևելյան ափերին
Քաղաքականություն
23.08.2021 | 15:27
«Հենրի» տրոպիկական փոթորիկը հարվածել է ԱՄՆ արևելյան ափերին։ Չնայած այն մասամբ կորցրել է ուժն ու այլևս չի բնութագրվում որպես փոթորիկ՝ քամու ուժգնությունը հասնում է ժամում 95 կմ-ի, առանց էլեկտրաէներգիայի մատակարարման է մնացել 120 հազար տուն։ Ավելի ուշ տների մի մասի էլեկտրամատակարարումը հաջողվել է վերականգնել։ Տուժած նահանգների թվում են Ռոդ-Այլենդը, Նյու-Յորքն ու Նյու-Ջերսին, գրում է BBC-իի ռուսական ծառայությունը։
Նոր Անգլիա շրջանի մի քանի միլիոն բնակիչներ նախազգուշացվել են ծովի մակարդակի հնարավոր բարձրացման, ջրհեղեղների, ծառերի արմատախիլ լինելու ու էլեկտրաէներգիայի խափանումների մասին։
Նյու-Յորքի նահանգապետ Էնդրյու Կուոմոն հայտարարել է, որ վախենում է Գուդզոն գետի վրա ջրհեղեղներից։
Ուժեղ քամիների պատճառով Նյու Յորքում չեղարկվել է կորոնավիրուսային համաճարակից հետո քաղաքի ակտիվ կյանքին վերադառնալուն նվիրված համերգը , որը պետք է ունենար շուրջ 60,000 հանդիսատես:
Բացի այդ, ինչպես հաղորդել է CBS հեռուստաալիքը, ԱՄՆ հարավային Թենեսի նահանգում տեղատարափ անձրևների պատճառով առաջացած ջրհեղեղների հետևանքով զոհվել է առնվազն 22 մարդ, ևս 20 -ը համարվում են անհետ կորած:
Տաթև Ֆռանգյան
