19.05.2026 | 12:02
«Անկախ դիտորդը» անհամաչափ և ընտրողական է համարում Արթուր Օսիպյանի ձերբակալությունը
Հռոմի պապ Ֆրանցիսկոսը կարող է հրաժարական տալ
Քաղաքականություն
23.08.2021 | 17:05
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Հռոմի պապ Ֆրանցիսկոսը կարող է հրաժարվել գահից առողջական խնդիրների պատճառով: Այս մասին երկուշաբթի հաղորդել է «Libero»-ն։
Վատիկանյան շրջանակներում գնալով ավելի շատ են հնչում ենթադրություններ մոտակա կոնկլավի մասին, գրում է թերթը։
Հրատարակչությունը ուշադրություն է հրավիրում այն հանգամանքի վրա, որ դեկտեմբեր ամսին կլրանա պոնտիֆիկի 85-ամյակը, հենց նույնքան էր նաև Բենեդիկտ XVI-ը, երբ հրաժարվեց գահից։
84-ամյա Հռոմի պապը հուլիս ամսին ընդհանուր անզգայացմամբ աղիքի վրա վիրահատություն է տարել։ Այժմ Հռոմի պապի ինքնազգացողությունից է կախված, թե արդյոք սեպտեմբերի 12-15-ը նախատեսված այցի շրջանակներում նա կմեկնի Հունգարիա ու Սլովակիա։
Ֆրանցիսկոս պապը, չնայած, որ երիտասարդ տարիքում բարդ թոքաբորբից հետո թոքերի վիրահատության է ենթարկվել, բավականին առողջ է: Վերջերս նա միայն բողոքում է ոտքերի ցավից: Սուրբ Ծննդյան և Ամանորի ընթացքում պոնտիֆիկը չեղյալ էր հայտարարել մի շարք միջոցառումներ՝ նստանյարդի բորբոքման պատճառով: 2020 թվականի փետրվարի վերջին՝ համաճարակի մեկնարկի ժամանակ, նրա մոտ սուր մրսածություն էր գրանցվել։
2014 թվականի օգոստոսի 19 -ին Հռոմի պապը լրագրողներին խոստովանել էր, որ ինքը, ինչպես և իր նախորդը, կարող էր հրաժարվել գահից միանգամայն լուրջ պատճառներով, օրինակ՝ առողջական խնդիրների պատճառով:
Տաթև Ֆռանգյան
