11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
«Թալիբան»-ի խոսնակը հայտարարել է, որ ամենից շատ Թուրքիայի կարիքն ունեն Աֆղանստանի վերակագնման համար
20.08.2021 | 20:23
«Թալիբան»-ի խոսնակ Սուհայիլ Շահենը հայտարարել է, որ իրենց նպատակն է Աֆղանստանի վերականգնումը և նրանք այդ գործընթացում ամենաշատը Թուրքիայի կարիքն ունեն։
«Մեր ամբողջ ենթակառուցվածները ավերված են։ Մենք կվերակառուցենք Աֆղանստանը բոլոր ոլորտներում և մենք ունենք դրանում ամենաշատը Թուրքիայի կարիքը»,- ասել է Շահենը թուրքական իշխանամետ daily Türkiye հետ հարցազրույցում։
Հարցին, թե արդյոք կա հատուկ պատճառ կամ ռազմավարություն «Թալիբան»-ի՝ «Թուրքիայի նկատմամբ առանձնահատուկ դիրքորոշման երբ բանակցություններ է վարում Ռուսաստանի, Իրանի ու Չինաստանի հետ», Շահենը պատասխանել է․
«Անկախ նրանից, ինչ է հայտնի՝ մենք սերտհարաբերություններ ենք ունեցել Թուրքիայի հետ»։
Նա նշել է, որ Թուրքիան շատ կարևոր դերակատար է Թալիբանի համար։
«Այն աշխարհում հարգված ու ուժեղ երկիր է և ունի հատուկ տեղը մահմեդական համայնքում։ Թուրքիայի կապերը Աֆղանստանի հետ չեն համեմատվի այլ երկրի հետ։ Ես պարզ ասում եմ՝ մենք Թուրքիայի ընկերության, աջակցության ու համագործակցության կարիքն ամենաշատն ունենք»,- ասել է Շահենը։
Նա նաև ասել է, որ Աֆղանստանի ունի հարուստ ռեսուրսներ, որոնք իրենք ուժ չունեն շահագործելու համար։
«Մեր բոլոր ենթակառուցվածքները ոչնչացվել են օկուպացիայի ու վարչակազմի պատճառով։ Մենք ցանկանում ենք համագործակցել Թուրքիայի հետ առողջապահության, կրթության, տնտեսության, շինարարության ու էներգետիկայի ոլորտներում, ինչպես նաև բնական պաշարների արդյունահանման հարցում»-ասել է Թալիբանի խոսնակը։
Էմմա Չոբանյան
