17.05.2024 | 19:00
Ալիևը թակարդն ընկավ՝ խոստովանելով, որ ՀՀ-ից զավթել է տարածքներ․ պիտի լքի գրաված բարձունքները․ Էմիլ Օրդուխանյան․ ՏԵՍԱՆՅՈՒԹ
Մյանմարում ռազմական հեղաշրջման հետևանքով խաղաղ բնակիչների շրջանում զոհերի թիվը հասել է 1006-ի․ The Guardian
Քաղաքականություն
19.08.2021 | 12:29
Մյանմարում ռազմական հեղաշրջման հետևանքով խաղաղ բնակիչների շրջանում զոհերի թիվը հասել է 1006-ի։ Այս մասին հայտնում են քաղբանտարկյալների աջակցության ասոցիացիայի ակտիվիստները (AAPP), հայտնում է The Guardian-ը։
Ասոցիացիան ճշտում է Մյանմարում ռազմական հեղաշրջումից հետո մահվան դեպքերի և զանգվածային ձերբակալությունների թիվը: Անվտանգության ուժերի կողմից սպանված խաղաղ բնակիչների թիվը հասել է 1006 մարդու:
«Քանի դեռ զինվորականներն իշխանության ղեկին են, նրանք կշարունակեն սպանել երիտասարդներին, մասնագետներին, ինչպիսիք են բժիշկներն ու ուսուցիչները, տղամարդիկ, կանայք և երեխաները», – ասել է AAPP-ի քարտուղար Կո Բո Գին:
Նա ընդգծել է, որ զինվորականների գործողությունները վնասում են ոչ միայն մարդկանց, այլև ամբողջ երկրին և նրա ժողովրդավարությանը։
«Նրանք սպանում են ոչ միայն մեր կյանքը, այլև երկրի ապագան և ժողովրդավարության հույսերը», – ավելացրել Կո Բո Գին:
Հիշեցնենք, որ Մյանմարում խունտան դատում է երկրի ձերբակալված նախագահին: Զինվորականները Սու Չժիին մեղադրում են ընտրակեղծիքների և յուրացման մեջ:
Իրավապաշտպանները մեղադրանքները անվանուն են շինծու և քաղաքական դրդապատճառներով:
Տաթև Ֆռանգյան
