29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Թալիբները կրակ են բացել ազգային դրոշի փոփոխման դեմ բողոքող ցուցարարների վրա․ կան զոհեր ու վիրավորներ
Քաղաքականություն
18.08.2021 | 14:34
Al Jazeera-ի թղթակից Ռոբ ՄաքԲրայդը Քաբուլից հայտնել է, որ իրավիճակն Աֆղանստանում դեռ անկայուն է մնում:
«Մենք տեղեկություններ ենք ստանում Ջալալաբադում շատ լուրջ անկարգությունների մասին: Սա շատ կարևոր քաղաք է, որը գտնվում է Քաբուլից արևելք ՝ դեպի Պակիստանի հետ սահմանը:
Դա շատ կարևոր առևտրային քաղաք է և այլն: Այնտեղ բողոքի ցույցեր են եղել ազգային դրոշի վերաբերյալ», – ասել է նա:
«Թալիբների ժամանման հետ մեկտեղ՝ նրանք աստիճանաբար հանում են Աֆղանստանի ազգային դրոշը և դրանք փոխարինում թալիբների դրոշով: Մենք դրան ականատես ենք լինում Քաբուլում: Շատերը գոհ չեն դրանից, բայց մեծ հաշվով ստիպված են համակերպվել դրա հետ»:
«Ջալալաբադում չեն համակերպվում դրա հետ: Բնակչության զգալի մասը դիմադրություն է ցույց տալիս: Սոցիալական ցանցերում ներբռնվել են բողոքի ցույցերի տեսագրությունը, որոնց մասնակցում են հարյուրավոր, եթե ոչ հազարավոր մարդիկ՝ ծածանելով իրենց ազգային դրոշը»:
«Մենք գիտենք, որ նրանք դրոշը կրկին բարձրացրել են Ջալալաբադի կարևոր հրապարակում, և որ բախումներ են տեղի ունեցել թալիբների հետ, տեղեկություններ կան, որ կրակոցներ են հնչել, ինչպես նաև կան զոհեր և վիրավորներ»,- Քաբուլից հայտնել է լրագրողը:
