Հասարակություն
24.08.2021 | 19:02Այս տարի Հայաստանի Հանրապետությունում պետական և ոչ պետական բուհ է ընդունվել 9029 դիմորդ․ ուսուցման անվճար հիմունքներով և արտոնություններով՝ 1729 , վճարովի՝ 7300 դիմորդ։ Հատկանշական է, որ բուհերին տրամադրված էր 22 300 վճարովի տեղ, սակայն դրա նույնիսկ կեսը հնարավոր չի եղել համալրել․ թափուր է մնացել շուրջ 15 հազարը։ 1830 անվճար տեղից թափուր է մնացել 101-ը։ Բուհերի ցուցակներն ուսումնասիրելիս պարզ է դառնում, որ ամենաշատ թափուր տեղերը մնացել են բնական, ինժեներական, մանկավարժական, ինչպես նաև որոշ հումանիտար գիտությունների գծով։ ԿԳՄՍ նախարարության բարձրագույն և հետբուհական մասնագիտական կրթության վարչության պետի տեղակալ Լուսինե Գրիգորյանը շեշտում է՝ վերջին 5 տարվա ընթացքում թափուր տեղերի մասով բուհերում առկա պատկերն էապես փոփոխության չի ենթարկվել։ Առանձնապես չի փոխվել նաև բուհերին հատկացվող անվճար և վճարովի տեղերի քանակը․մի փոքր ավելացվել են բնական գիտությունների գծով տրամադրվող տեղերը, սակայն դրանից պատկերն ավելի հուսադրող չի դարձել։ Կրթության փորձագետ Սերոբ Խաչատրյանը, անդրադառնալով մանկավարժական գիտությունների գծով ոչ մխիթարիչ պատկերին՝ շեշտում է՝ այս տարի, օրինակ, Շիրակի պետական համալսարանում ֆիզիկայի ուսուցիչներ այլևս չեն պատրաստում։ Մինչ ԿԳՄՍ նախարարությունում քննարկում են թափուր տեղերը համալրելու մեխանիզմները, կարող ենք արձանագրել, որ նախորդ՝ 2020-21 ուսումնական տարում բուհերում թափուր տեղերի թիվը շուրջ 12 Մհազար էր, այսինքն՝ այս ուսումնական տարում թիվն աճել է շուրջ 3000-ով։ Մի շարք մասնագիտություններ հերթական ուսումնական տարում մնացին անտեսված։
Մանրամասները՝ տեսանյութում։
Աննա Բաբաջանյան
