30.06.2026 | 07:57
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
Թալիբները մոտենում են Աֆղանստանի մայրաքաղաքին․ նրանք Քաբուլից 50 կմ հեռավորության վրա են
Քաղաքականություն
13.08.2021 | 19:02
ՆԱՏՕ-ի խորհուրդն այսօր արահերթ նիստ է հրավիրել Աֆղանստանում ստեղծված իրավիճակի պատճառով, հայտնում է AFP-ն՝ հղում կատարելով դաշինքի գրասենյակում սեփական աղբյուրին։
ԶԼՄ-ներում հայտնված տեղեկությունների համաձայն՝ «Թալիբան» արմատական շարժման զինյալները մոտենում են Աֆղանստանի մայրաքաղաք Քաբուլին։ Այժմ նրանք գտնվում են քաղաքից 50 կմ հեռավորության վրա։
«Մենք շատ անհանգիստ ենք, քանի որ թալիբները Քաբուլից 50 կմ հեռավորության վրա են գտնվում։ Այս առավոտյան նրանք կտրել են հոսանքի լարերը, քաղաքը գրեթե մեկուսացած է»,- հայտարարել է Pangea իտալական մարդասիրական կազմակերպության նախագահ Լուկա Լո Պրեսթին։
Նրա խոսքով՝ հասարակական կազմակերպության աշխատակիցները հնարավորություն չունեն լիցքավորելու հեռախոսները, այդ պատճառով էլ հոսանքազրկման ծավալները դեռևս հայտնի չէ։
Լո Պրեսթին հայտնել է, որ 22 աֆղան կին աշխատակիցներ շարունակում են մնալ Քաբուլում ՝ օգնելով «հազարավոր տեղի բնակիչներին, հիմնականում՝ կանանց և երեխաներին:
Կազմակերպության ղեկավարն ասում է, որ աշխատակիցները չեն պատրաստվում լքել Աֆղանստանը։ Սրա հետ մեկտեղ Քաբուլի գրավումը նա անդառնալի է համարում։
Տեղի իշխանությունների ներկայացուցիչը հաստատել է թալիբների կողմից Քաբուլից 50 կմ հեռավորության վրա գտնվող Լոգար նահանգի Պուլի-Ալամ քաղաքի գրավումը։
Տաթև Ֆռանգյան
