30.06.2026 | 07:57
ԱԱ-2026. Մարոկկոն 11-մետրանոցներով հաղթեց Նիդերլանդներին. ՏԵՍԱՆՅՈՒԹ
Ղրիմում նոր ջրհեղեղներ են գրանցվել․ կան զոհեր
Քաղաքականություն
13.08.2021 | 18:33
Ղրիմում նոր ջրհեղեղների հետևանքով զոհվել է 2 մարդ, մեկն՝ անհետ կորել, ավելի քան 4000 մարդ տուժել է։ Այս մասին հայտարարել է Ղրիմի ղեկավար Սերգեյ Ակսենովը, գրում է Korrespondent-ը։
Տեղեկացվում է, որ թերակղզու բնակիչներին կոչ են անում պատրաստ լինել տարհանման, սննդամթերք, դեղորայք պահեստավորել ու առաջին անհրաժեշտության իրերը հավաքել։
Նախօրեին հեղեղվել են մի քանի տներ ու ճանապարհներ Սիմֆերոպոլի շրջանում, իսկ հինգշաբթի՝ հարյուրավոր տներ Լենինսկի շրջանում։
Ուրբաթ գիշերը հորդառատ անձրևներ են տեղացել Կերչում։ Քաղաքում մեկ օրում տեղումների երկամսյա նորման է տեղացել։
Ակնկալվում է, որ Կերչում անձրևները կշարունակվեն ամբողջ օրը։ Թերակղզու արևելքում օգոստոսի 13-ին և 14-ին փոթորկի վտանգ է հայտարարվել։
Տաթև Ֆռանգյան
