29.03.2026 | 20:38
Եղիշե Մելիքյանը՝ Բելառուսի հավաքականից կրած պարտության մասին․ ՏԵՍԱՆՅՈՒԹ
Տիգրան Խաչատրյանն ընդունել է Ասիական զարգացման բանկի հայաստանյան գրասենյակի ղեկավարին
Տնտեսություն
13.08.2021 | 13:36
ՀՀ ֆինանսների նախարար Տիգրան Խաչատրյանը օգոստոսի 12-ին ընդունել է Ասիական զարգացման բանկի (ԱԶԲ) հայաստանյան գրասենյակի ղեկավար Պաոլո Սպանտիգատիին: Այս մասին հայտնում են նախարարությունից։
Նախարար Տիգրան Խաչատրյանը ողջունել է հյուրին և ընդգծել, որ Ասիական զարգացման բանկը Հայաստանի կառավարության հետ ունի տարբեր ուղղություններով համագործակցության ծրագրերի լայն բովանդակություն: Նախարարը նշել է՝ Հայաստանի ֆինանսների նախարարությունում շահագրգիռ են, որ կառավարության կողմից իրականացվող տարբեր ծրագրերը ունենան որակյալ բովանդակություն և արդյունավետ ծառայեն տնտեսության զարգացման գործին:
Տիգրան Խաչատրյանը նաև համոզմունք է հայտնել, որ ԱԶԲ-ի հետ համագործակցությունը կնպաստի կառավարության նոր ծրագրի շրջանակում տարվող աշխատանքներին և դրաց իրականացմանը:
Ասիական զարգացման բանկի (ԱԶԲ) հայաստանյան գրասենյակի ղեկավար Պաոլո Սպանտիգատին նախ շնորհավորել է Տիգրան Խաչատրյանին ֆինանսների նախարարի պաշտոնում նշանակվելու կապակցությամբ, այնուհետև փոխադարձ պատրաստակամություն հայտնել շարունակել աշխատել միասին: Հանդիպմանը մասնակիցները քննարկել են տարբեր ոլորտներում ԱԶԲ-ի աջակցությամբ իրականացվող ծրագրերի և հետագա համագործակցությանն ուղղված հարցեր:
