19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Արման Հովհաննիսյանին կարգապահական պատասխանատվության ենթարկելու վերաբերյալ միջնորդության քննությունը հետաձգվեց
Հասարակություն
12.08.2021 | 17:02
Բարձրագույն դատական խորհրդում այսօր պետք է շարունակվեր Երևան քաղաքի Առաջին ատյանի ընդհանուր իրավասության դատարանի դատավոր Արման Հովհաննիսյանին կարգապահական պատասխանատվության ենթարկելու վերաբերյալ միջնորդության քննությունը, սակայն նիստը հետաձգվեց:
Դատավոր Հովհաննիսյանը միջնորդություն էր ներկայացրել Խորհրդին, պատճառաբանելով, որ այսօր միմյանց հաջորդող 4 դատական նիստեր կան իր վարույթում՝ որոշներով գործը ավարտական փուլում է: Հովհաննիսյանը միջնորդել էր նիստը այլ օր նշանակել:
ԲԴԽ-ն որոշեց բավարարել միջնորդությունը և կարգապահական պատասխանատվության ենթարկելու վերաբերյալ քննությունը հետաձգել՝ նշանակելով օգոստոսի 19-ին՝ ժամը 15.00-ին:
Հիշեցնենք՝ ինչպես պնդում է Արման Հովհաննիսյանը, Արդարադատության նախարարությունն իր դեմ կարգապահական վարույթ է հարուցել՝ ամիսներ առաջ վարչապետի մահափորձի գործով մեղադրյալ, «Սիսական» ջոկատի հրամանատար Աշոտ Մինասյանին չկալանավորելու համար։ Դատավորի խոսքով՝ գործը հսկող դատախազը տեղեկանք է կազմել այն մասին, որ իր կայացրած որոշումը դուրս է օրինականության սահմաններից։
